ЗСРСМ

Дата: 17.05.2024

Во правец на денешната реакција на Управниот суд на РСМ, Здружението на судии на РСМ ја искажува својата загриженост по однос изјавите на поединци со кои директно или индиректно се врши притисок врз судиите и судиското постапување и одлучување. Припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување. Таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите. Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата. Со почит Здружение на судии на РСМ

Дата: 14.05.2024

Во рамките на проектот "ПОДДРШКА НА ТРАНСПАРЕНТНОСТА ВО СУДСТВОТО И ПРОМОВИРАЊЕ НА ЈАВНАТА ДОВЕРБА ВО ПРАВНИОТ СИСТЕМ" поддржан од Амбасадата на САД во Скопје Здружение на судиите на Република Северна Македонија има потреба од ангажирање на: Проектен асистент во областа на правосудството, за период од 12 (дванаесет) месеци

Дата: 30.04.2024

Денеска на Редовно Изборно Собрание и во присуство на делегати од судски подружници, Здружението на судиите на Република Северна Македонија го избра судијата Иван Џолев за нов претседател на Здружението на судиите на Република Северна Македонија, на местото на досегашниот претседател, судијата Џемали Саити. Судијата Иван Џолев е актуелен претседател на Кривичниот суд во Скопје. Мандатот на претседателот на Здружение на судиите е четири години. На денешната седница беше избран и нов Управен и Надзорен одбор на Здружението на судиите.

Дата: 23.04.2024

На ден 30 април 2024 година во хотел Холидеј Инн во Скопје со почеток од 11 часот ќе се одржи Седумнаесетото Редовно Изборно Собрание на Здружение на судиите на Република Северна Македонија.

Дата: 16.04.2024

Здружение на судиите на Република Северна Македонија, претставувано од претседателот на здружението д-р Џемали Саити и Центарот за правни истражувања и анализи од Скопје, претставуван од претседателот на здружението Лидија Стојкова Зафировска склучија Меморандум за соработка. Целта на овој меморандум е да се обезбеди соработка помеѓу Здружението на судии на Република Северна Македонија и Центарот за правни истражувања и анализи, за успешна имплементација на проектот ,,Добро владеење во животна средина за имплементација на Зелена Агенда за Западен Балкан’’. Проектот е финансиски поддржан од Европската Унија.

Дата: 02.04.2024

По повод Денот на правосудството, а во рамките на активностите предвидени со годишната програма за работа, Здружението на судиите на Република Северна Македонија со поддршка на Мисијата на ОБСЕ во Скопје денес ја организира Годишна судиска конференција на тема „Квалитетно правораздавање – Предуслов за обнова на јавната доверба“

Дата: 27.03.2024

Состанок со Претседателот на Здружението на судии, г-дин Џемали Саити со г-ѓа Фредерик Дибост - француска судијка за врски во Југоисточна Европа, Врска со судии во Западен Балкан со цел меѓусебно запознавање и можности за идна соработка

Дата: 26.03.2024

Претседателот на Здружение на судиите на Република Северна Македонија д-р Џемали Саити и Претседателот на Здружение на правници на Република Северна Македонија проф. д-р Горан Коевски водени од потребата за меѓусебна соработка заради ефикасно спроведување на своите надлежности утврдени со закон и со статут;, подготвени за ефикасна соработка која ќе придонесе за размена на искуства и потврдувајќи ја заедничката заложба и интерес за унапредување на образовната, научно-истражувачката и апликативно-стручната дејност склучија МЕМОРАНДУМ ЗА СОРАБОТКА

Дата: 07.03.2024

Здружение на судиите на Република Северна Македонија согласно целите предвидени во Статутот за заштита на достоинството и угледот на судијата и судиската функција и заштита на материјалните и професионалните интереси на судиите, денес поднесе Иницијатива за оценување на уставноста и законитоста до Уставниот суд на Република Северна Македонија со која се оспоруваат одредбите од Законот за изменување на законот за плати на судиите „Службен весник на Република Северна Македонија“ бр.51 од 29.02.2024 година.

Дата: 07.03.2024

Здружение на судиите на Република Северна Македонија денес поднесе Иницијатива за оценување на уставноста на Законот за изменување на законот за плати на судиите „Службен весник на Република Северна Македонија“ бр.51 од 29.02.2024 година.

Дата: 28.02.2024

Управниот одбор на ЗСРСМ, на XXVII (дваесет и седмата) седница одржана на 28.02.2024 година, расправаше за најавените измени на Законот за плати на судии и Законот за плати на членовите на судски совет во скратена постапка, кои се на дневен ред на Пленарната седница на Собранието на Република Северна Македонија, закажана за ден 28.02.2023 година. Управниот одбор на Здружение на судиите смета дека е неприфатлив ваквиот нетранспарентен начин на работа и одлучување на Собранието на РСМ, без соодветна јавна дебата и вкучување на засегнатите страни, за уште еден од низата закони кои се однесуваат на судската власт како независна и самостојна власт. Управниот одбор на ЗСРСМ изразува загриженост за ваквиот пристап и во ова време, и ги повикува предлагачите да го повлечат Предлогот на закон за изменување на Законот за платите на судиите иПредлогот на закон за изменување на Законот за платите на членовите на Судскиот совет, со што ќе се овозможи поширока дебата и содветни консултации на националната и меѓународната регулатива, во која се востановени гаранции за постојаноста на платите на судиите, како легитимни и загарантирани очекувања.