| На 17.07.2017 година, во просториите на Здружението на судиите на Република Македонја претседателот на Здружението на судиите на Република Македонија, д-р Џемали Саити, одржа состанок со претседателот на Основен суд Дебар, судија Илир Исени, Биљана Јачева, судија во Основен суд Велес и Александра Палашевска, судија во Основен суд Скопје 2 Скопје, учесници на обука спроведена од МАТРА програмата за обуки за владеење на правото, во Лајден, Кралството Холандија.
Судиите го информираа претседателот Саити за обуката на која учествувале во периодот од 7-16 јуни 2017 година, во рамки на оваа програма, на тема „Спроведување на правдата“. Притоа, тие оценија дека овие обуки и размена на искуства на меѓународно ниво се од голема важност за судиите заради нивно стручно усовршување и јакнење на професионалните капацитети.
По разговорот, претседателот Саити изрази задоволство за проактивниот пристап на судиите, што значи придобивка на Здружението со членство кое активно се залага за остварување на целите и задачите на асоцијацијата.
|